Í einingarathöfn er miðlað orku hins heilaga sem hjálpar hjartanu að blómstra.  Í henni er veitt blessun sem stuðlar að einingu lífsins, að við gerum okkur grein fyrir að aðskilnaður er blekking.  Þetta er ekki hugmyndafræði heldur upplifun einingar, að vera hluti af öllu sem er. 

Blessunin veitir mörgum skýrari sýn og upplifun á kærleika, gleði og innri friði.  Hún hjálpar til við að leysa upp neikvæð mynstur og áföll sem við geymum í frumum og orkukerfi okkar og stuðlar að tilfinningalegri og líkamlegri heilun.  Blessunin hjálpar til við að við náum endanlega að losna undan þjáningu persónuleikans og náum fullri meðvitund.

Blessunin fer þannig fram að hendur þess er hana veitir eru lagðar létt á höfuðið þess er þiggur.  Hún getur líka verið gefin með ásetningi úr fjarska, í gegnum síma eða gegnum internetið.  Upplifun fólks af athöfninni, getur verið mjög sterk, fíngerð, eða jafnvel ekki fundist fyrr en eftir nokkra daga.  Sumir finna líkt og náladoða á höfðinu eða sælutilfinningu og aðrir jafnvel ekki neitt.

Einingarathöfn tilheyrir ekki neinum trúarbrögðum eða heimspeki. Hún hjálpar okkur að upplifa tengingu okkur við hið helga.

Í Ljósheimum er boðið uppá einingarathöfn alla fimmtudaga kl 19:00,  aðgangur er ókeypis og opinn öllum. 

Ef þú kemst ekki á þeim tíma en vilt fá blessun getur þú haft samband við Guðrúnu Helgu (869-9485), Sóleyju Rut (849-3393), eða Sólbjörtu (862-4546) og við finnum okkur tíma.